石棺藏屍案（九）
《祝你旅途愉快......》
今天只有下午庭，下午兩時半開庭……
控方傳召證人，是第二被告（阿豪）的朋友，姓張，任職裝修工程，2014年透過女友認識阿豪，成為朋友，兩人會一同外出飲酒、跳Popping……
提到跳Popping，主控問：「Popping係咩舞嚟架？（全場笑了）」張回答Popping是機械舞，李官説：「Robot Dance?（笑了笑）」(各人再笑)。張提及阿豪是他的跳舞師父，會觀看阿豪跳舞。
張提到，2014年初，阿豪失業，所以財政狀況較差，有時張會給阿豪數百元，間中又會借數百元給阿豪，張稱借錢給阿豪，原因大家是朋友。
2016年2月，張透過阿豪，知道新加坡將會舉行機械舞大賽，阿豪會參加該比賽，所以他計劃行程到新加坡，張先生都會前往新加坡觀看比賽，行程費用是各自支付的。
2016年3月5日（即案發後一天），張與阿豪到了新加坡，主控問張，阿豪當時的情況怎樣？張回答：「神情比較失落，無乜講嘢，好似唸緊好多嘢咁......」當張追問，阿豪回答：「我做咗樣好錯嘅嘢！」之後張再追問，阿豪不肯再說下去......
2016年3月7日回港後，張沒有再見阿豪，有一次，阿豪致電給張，欲向張借兩萬元，張問他為何要這麼多錢？阿豪只回答：「算啦！你唔好理啦！」最後張沒有借錢給他。
到了三月底，張收到「沒有顯示號碼」來電，原來是阿豪致電給他，阿豪起初沒有說自己在那裡，後來說自己身在台灣，沒有說自己和誰在一起，只問張：「有無途徑去整假證件（護照）？」張稱沒有，兩人便完結對話，過程中，阿豪沒有向張借錢。
其後，阿豪再致電張，向他借錢，不記得金額多少，但張沒有借給阿豪，原因是張沒有錢。
張有問阿豪為何去台灣，張在庭上説：「嗯......等我唸下先......佢答去旅行！」
張稱，不認識曾祥欣（T），只知道阿豪於荃灣居住，從沒有去過案發單位。
張又稱，不認識及沒有見過何菱瑜（小草），只是朋友圈中有人提起她，亦不知阿豪與小草是何種朋友關係，更不知道阿豪和小草是一同住在Dan6單位。
張先生作供完畢......
接著傳召另一控方證人，是第一被告（T）在2014年9月佔領運動時認識的朋友，姓唐，英文名Fay，當時於深水埗黃金電腦商場地庫的神通電子科技任職售貨員。
兩人認識時，Fay原本不知道T的全名，但現在知道是「曾祥欣先生」，佔領運動後，兩人有保持聯絡，Fay稱：「T有去我鋪頭，買唔同嘅電子產品同周邊產品，例如記憶咭、USB Driver。」後來T曾向Fay詢問有關竊聽器材資料，Fay：「佢(T)話擺係Office，用嚟捉二五仔！」
《祝你旅途愉快......》
案情撮要：2016年3月4日至3月29日期間，於荃灣灰窰角街DAN6商業大廈，本案被告曾祥欣(T)、劉錫豪(阿豪)、張善恒(KK)涉嫌謀殺男子張萬里(J)。行兇後以木板製成巨型箱子，放入屍體，再用水泥填封整個箱子，形成石棺。
三名被告企圖將石棺運到偏僻地埋掉或掉進海裡，可惜石棺過重，超出電梯負載量，需折返單位……三人欲鑿開石棺取出屍體方便棄屍，始終失敗，於是把石棺留在單位內，決定帶同知情女子何菱瑜(小草)逃走到台灣……
今天只有下午庭，下午兩時半開庭……
控方傳召證人，是第二被告（阿豪）的朋友，姓張，任職裝修工程，2014年透過女友認識阿豪，成為朋友，兩人會一同外出飲酒、跳Popping……
提到跳Popping，主控問：「Popping係咩舞嚟架？（全場笑了）」張回答Popping是機械舞，李官説：「Robot Dance?（笑了笑）」(各人再笑)。張提及阿豪是他的跳舞師父，會觀看阿豪跳舞。
張提到，2014年初，阿豪失業，所以財政狀況較差，有時張會給阿豪數百元，間中又會借數百元給阿豪，張稱借錢給阿豪，原因大家是朋友。
2016年2月，張透過阿豪，知道新加坡將會舉行機械舞大賽，阿豪會參加該比賽，所以他計劃行程到新加坡，張先生都會前往新加坡觀看比賽，行程費用是各自支付的。
2016年3月5日（即案發後一天），張與阿豪到了新加坡，主控問張，阿豪當時的情況怎樣？張回答：「神情比較失落，無乜講嘢，好似唸緊好多嘢咁......」當張追問，阿豪回答：「我做咗樣好錯嘅嘢！」之後張再追問，阿豪不肯再說下去......
2016年3月7日回港後，張沒有再見阿豪，有一次，阿豪致電給張，欲向張借兩萬元，張問他為何要這麼多錢？阿豪只回答：「算啦！你唔好理啦！」最後張沒有借錢給他。
到了三月底，張收到「沒有顯示號碼」來電，原來是阿豪致電給他，阿豪起初沒有說自己在那裡，後來說自己身在台灣，沒有說自己和誰在一起，只問張：「有無途徑去整假證件（護照）？」張稱沒有，兩人便完結對話，過程中，阿豪沒有向張借錢。
其後，阿豪再致電張，向他借錢，不記得金額多少，但張沒有借給阿豪，原因是張沒有錢。
張有問阿豪為何去台灣，張在庭上説：「嗯......等我唸下先......佢答去旅行！」
張稱，不認識曾祥欣（T），只知道阿豪於荃灣居住，從沒有去過案發單位。
張又稱，不認識及沒有見過何菱瑜（小草），只是朋友圈中有人提起她，亦不知阿豪與小草是何種朋友關係，更不知道阿豪和小草是一同住在Dan6單位。
張先生作供完畢......
接著傳召另一控方證人，是第一被告（T）在2014年9月佔領運動時認識的朋友，姓唐，英文名Fay，當時於深水埗黃金電腦商場地庫的神通電子科技任職售貨員。
兩人認識時，Fay原本不知道T的全名，但現在知道是「曾祥欣先生」，佔領運動後，兩人有保持聯絡，Fay稱：「T有去我鋪頭，買唔同嘅電子產品同周邊產品，例如記憶咭、USB Driver。」後來T曾向Fay詢問有關竊聽器材資料，Fay：「佢(T)話擺係Office，用嚟捉二五仔！」
除T外，Fay後來認識了第二被告(阿豪)和第三被告(KK)，現在知道全名「劉錫豪先生同張善恒先生。」Fay稱：「佢哋嚟鋪頭超過六次以上，三人未必一齊嚟，但每個都有談話。」
到了2016年2月農曆新年，Fay當時接到T的來電，Fay稱：「T問哥羅芳可以係邊度買得到？」Fay回答：「我同佢講唔清楚，我無問太多！」大狀追問：「無問太多即係咩意思？」Fay微笑尷尬說：「其實我都唔係記得好清楚！」(大家都笑了)
大狀提到2016年3月10日，大約下午四時許……(停)Fay突然在庭上尷尬地說：「唔好意思，我提佢哋應該講全名定化名？」大狀稱，說化名就可以了。Fay：「佢哋三個一齊落咗嚟(唐工作的店鋪)，當時帶住一個行李喼、一袋衫、一部手提電腦……當時我有同T傾偈，問佢做乜拖住個喼落嚟，後來T話要去台灣，要求借部打印機print入台證，我當時同意，但無問T點解去台灣。」
Fay稱，使用打印機的人是KK。「KK帶住部手提電腦、3至4本護照，當時我企係佢隔離，所以睇到啲護照係屬於邊個，分別係屬於佢地本人(三人)，另外有本係屬於一名女子，但唔係記得太清楚個女仔名……」
之後，Fay稱：「KK留係我鋪頭print入台證，T與阿豪就上咗商場其他樓層買嘢，番嚟果陣買多咗個行李箱，T向我買咗張記憶咭，其他嘢就唔記得太清楚。」Fay稱，當時因有其他客人，所以沒有問T何解要去台灣。
大約晚上八時，被告們告訴Fay，他們要前往機場。T及阿豪請唐幫忙電召一輛客貨車，唐幫忙了……其後，Fay：「佢哋(三人)將啲嘢搬去地面，我哋一齊食咗支煙，我問T做咩咁突然去台灣，T答我去旅行，然後車嚟到之後，我就幫忙搬其中一個行李喼上車……最後……我祝佢(T)旅途愉快！(Fay笑了笑)」(法庭又再傳出笑聲)
2016年3月17日，大約下午六時半，Fay收到T來電，起初不知道T身在何處，後來T說身處台灣。Fay：「當時T問我借錢，金額大約幾千蚊，我無借，原因係我破咗產嘅……」
Fay：「其後，T打咗幾次嚟，其中一次，有背景聲，有人講嘢……當時電話好清晰收到聲音……」Fay又突然停頓，然後在庭上問：「我想問係咪有粗口都直接提出？(全場笑了)」主控回答：「好樂意聽你講！(笑聲不斷)」Fay：「有把聲形容阿T係On9仔，我認得把聲係阿豪！」之後，Fay忘記是誰說：「仲用水泥埋咗條屍！」、「用風炮都搞唔掂！」、「仲噴咗空氣清新劑同埋香水」。Fay相信，辨認不到是誰說的三句話，是KK的聲音。李官立刻問Fay：「你用刪除方式去辨認？」Fay認同。這刻，Fay沒有追問T發生何事，因為感覺三人在說笑……
又再收到T來電，Fay：「佢哋話一段時間都唔會番嚟香港，我問T發生乜事，T話佢哋係香港(啪)咗個人，當時我淨係笑囉，無講啲咩，因為T嘅語氣好輕鬆！」
Fay：「後來，T打過三至四次電話過嚟問我借唔借到錢，大約三千蚊左右，我話無錢借，借唔到，因為我無錢借比佢哋！」
到了2016年3月28日，T又來電，Fay：「當時佢繼續問我借幾千蚊，我繼續話無(錢)，之後T要求我去旺角先達商場一樓某鋪，搵一個叫爸爸嘅人，爸爸會比六千蚊我，然後要求我用Western Union(西聯匯款-國際匯款公司)匯錢比佢……」主控問Fay有否做到T的要求，Fay立刻回答：「當然無啦！」
主問完畢……下篇文章再與大家分享各辯方大狀盤問Fay時的內容……
(2245)
待續……
鳴謝豹魁圖片設計
