石棺藏屍案(十九)
《洗腦……洗腦……再洗腦……》
案情撮要：2016年3月4日至3月29日期間，於荃灣灰窰角街DAN6商業大廈，本案被告曾祥欣(T)、劉錫豪(阿豪)、張善恒(KK)涉嫌謀殺男子張萬里(J)。行兇後以木板製成巨型箱子，放入屍體，再用水泥填封整個箱子，形成石棺。
三名被告企圖將石棺運到偏僻地埋掉或掉進海裡，可惜石棺過重，超出電梯負載量，需折返單位……三人欲鑿開石棺取出屍體方便棄屍，始終失敗，於是把石棺留在單位內，決定帶同知情女子何菱瑜(小草)逃走到台灣……
本篇文章經過資料處理、排序、歸類而寫的，繼續說說KK的故事……
今早繼續播放KK的警署錄影會面……昨天說到2016年3月4日中午，於荃灣DAN6單位，死者張萬里(J)被第二被告(阿豪)用沾有哥羅芳的白色毛巾襲擊，因毛巾掩不到J的口鼻，J想反抗之際，被第三被告(KK)從後「箍著」腋下，阿豪欲揮拳擊打J，J與KK因躲避而失平衡，雙雙跌落地下床褥上，J身體壓著KK，阿豪坐在J身上，再以白色毛巾大力掩蓋J口鼻長達兩至三分鐘，阿豪呼叫第一被告(T)來幫手，T把酒精用針筒注射入J體內……
之後，阿豪爬起來，將手套脫下，塞進J的口內……這時，KK發現J知去知覺，有微弱氣喘聲，KK立刻替J做心肺復蘇(心外壓)，KK再用手輕按J頸部以測試脈搏，但脈搏及心跳已經十分微弱，最後J的眼球朝向上方，已無生命跡象……
KK：「我叫T幫J把脈，因為T曾經講過有醫學牌照，但T幫J把脈後，都認為J無生命跡象……」
KK：「跟住T就拎手機影低J嘅死相，證實J已死亡，再將相片發比THERE組織，可以攞二千萬美金……」
KK：「我唔記得係邊個提議將J嘅屍體放血，等條屍無咁重，T同阿豪就將屍體抬入客廳附近嘅洗手間，然後拎刀仔拮屍體放血，但係佢哋話啲血凝固咗，放唔到血……呢個情節我無存在，因為我驚……」
「我當時好驚，走上閣樓，同小草(何菱瑜)講發生咗事，小草當時瞓緊覺或者睇緊手機，小草無直接參與呢件事……」當時小草知道事情後，回應KK：「其實真係好L大件事囉……」KK答小草：「係啊好大件事……如果依家警察上嚟捉我，我會雙手遞起比佢拉我……」
之後，T和阿豪就到DAN6附近的店鋪購買英泥、沙、菜刀、白色尼龍袋，要借用店鋪手推車，把用品運回單位。
KK：「佢哋(T及阿豪)話不如用水泥、用行李喼埋咗去、拎出去外面棄置，T又提議將屍體斬件……分屍令我覺得恐懼，T話，咁就成件過(不分屍)……」「T有個28寸紅色行李喼，唸住將屍體放入喼裡面，量度過屍體闊度，但唔夠擺……跟住就諗，不如買個櫃，將條屍放入去，然後封水泥……」
T迅速地搜索J的西裝、公事包和財物……找到兩部手提電話(KK不清楚牌子)、一隻Omega手錶和銀包。KK：「T同我出去旺角先達廣場一樓，將J嘅兩部電話賣咗，唔知賣咗幾多錢……跟住T就係先達、深水埗幾間鋪頭、當鋪(押店)，詢問Omega手錶嘅價格，因為價格好差，所以無即時賣咗隻錶，T話要聽上頭(THERE)嘅指示……」
KK：「之後T話算喇唔好理隻錶住……提議繼續係深水埗區一條賣傢俬嘅街，睇下用嚟藏屍嘅櫃……點知一係好貴，一係尺寸唔岩……最後去到一間鋪頭，老闆問我哋個櫃用嚟擺咩？T答用嚟擺模型架啫……老闆就提供咗六塊木板，釘起後木箱底部尺寸係90x92cm，因為老闆幫手鑽窿，所以記得尺寸。跟住我哋就call GOGO Van，運d材料番DAN6……」
回到單位，KK：「我先用五塊木板，釘起成為一個兜兜，再由T開水泥，倒入個箱裡面，因為水泥太稀，就半乾狀態……T同阿豪將J屍體放入箱裡面，但唔夠水泥……」「因為阿豪3月5號要去新加坡參加跳舞比賽，阿豪臨出門前叫我哋(T及KK)搞得掂就搞，掂唔掂就等佢番嚟！」
2016年3月6日早上，T與KK於荃灣悅來酒店(熊貓酒店)附近五金店，購買六包英泥，每包重量45公斤，他們向店鋪租用手推車，把英泥運回單位……
KK：「開曬六包水泥，倒入載有屍體嘅箱，掩蓋J嘅身體，仲有2至3厘米未滿，就加上蓋板……大概過咗一至兩日，阿豪係新加坡番到嚟香港嘅時候，水泥已經乾曬……」「但係發現箱底嘅角位開始滲血水出嚟，我哋就用衫吸走血水，又用大量膠紙黐住角位……」「T又買鏹水洗地，癖走血腥味……」
是時候將石棺運走，KK：「我哋都諗緊方法，因為個箱太重，無積車，我哋要棟直(扶直)個棺，先可以運走……我同T又用手大概量度電梯尺寸，睇下石棺夠唔夠入……又問管理員，電梯負重係幾多(900公斤)，同佢講話想運個夾萬走……」「我、T、阿豪用三支鐵筆，八舊磚支撐，棟直石棺及放上一架六輪手推車，運入電梯……」「當時我係電梯入面，然後佢哋推石棺入電梯，點知石棺太重，部電梯突然下降左，我感覺到有明顯嘅離心力，部電梯好似想斷纜咁……警鐘響起，我哋立刻將石棺推番入屋，管理員都有上嚟問咩事……」
KK：「其實，打算運走石棺前，我曾經同T去左油塘三家村碼頭視察環境，睇下落咗車之後，條路可唔可以將石棺推落海……」「運走石棺時，T用太空電話咭，call GOGO Van 5.5噸貨車，想運石棺到油塘三家村……當時貨車已經係樓下準備，點知石棺過重，最後唯有打比司機取消柯打……」
被告們把石棺運回單位，然後再想別的方法把屍體運走……KK：「期間，有人提出放係單位，即刻走佬……有諗過將條屍從石棺裡面拎番出黎，收入行李喼……阿豪話問過人哋嘅經驗，將條屍斬開佢，入落行李喼，運上山無人知……」KK稱，小草也有兒戲說法，她說：「燒咗佢(石棺)，一係炸咗佢啦！」
最後他們選擇把石棺鑿開，取出屍體，但受工具所限，未能成功將屍體取出……屋內的屍臭味越來越濃烈，即使大量使用空氣清新劑、香水、臭丸、滅蟲煙霧、甚至煲中藥，都不能癖掉那種味道……沒法子了……唯有逃走……
T致電給小草，問小草會否跟他們到台灣，小草稱跟隨。KK透露：「T與小草於雨傘運動相識，起初T係鐘意小草，但小草有個男友叫小西，小草係DAN6住，比T包養，但無性行為……」探員隨即問KK：「你點知佢哋無性行為？」KK回答：「因為我瞓係佢哋(T及小草)隔離張床褥，唔覺佢哋有(性行為)。」
於是，被告們收拾行李，然後到了深水埗。一來是等待小草工作完畢，二來是購買二手電腦以便網上辦理入台證。
T的朋友，阿飛，在高登電腦中心電腦店工作，可以幫忙列印入台證。
期間，T的爸爸，帶同T與KK的行李到深水埗交給他們(T及KK早一天放行李在T爸爸家，以備不時之需)，爸爸又將八萬元港幣交給T。KK稱，T的爸爸並不知道發生了DAN6事件。最後，T、阿豪、KK、小草一同逃走到台灣……
看完KK所述的事情發生經過，現在看看KK在錄影會面中一些補充口供……
探員問KK，既然要殺J，為何案發後又要為他做心肺復蘇？KK回答：「首先無諗過係屋企殺先啦……跟住，我箍住佢果陣，其實個人已經癲，可以救番佢就救啦……」
當探員問有關THERE，Delete Record的事。KK回答：「我同佢哋(T及KK)講，我唔會做殺人呢啲事，我只係會整暈J，陪你哋去到石澳(原本計劃將J迷暈，運到這裡殺掉)，之後你哋做咩唔關我事，最後我協助到J真係死咗……」「點解我唔報警，係因為佢哋話有方法令我無事！」
探員出示了二百多張有關案件的證物照片及閉路電視截圖，其中一張相片顯示阿豪的回鄉咭，KK稱從沒有見過這張回鄉咭，KK又稱：「阿豪報稱從來無回鄉咭！」
KK於警署錄影會面末段，說了一番話：「我要懺悔……自從識咗佢地(T及阿豪)開始，就不停比佢哋洗腦……我原本係想做一個警察……我好蠢、好戇居……為咗錢，比佢哋離間我同媽咪，無再同屋企聯絡……佢哋話，聽屋企話忠忠直直、終需乞食，無得發圍，話要放膽先有作為……佢哋講乜我信乜，想搵多啲錢可以富裕屋企，一直比佢哋包養，一日三餐，做跑腿，佢哋叫我做乜就做乜，真正犯法嘅事我無做過……」
「識咗佢哋之後，(KK在錄影會面中，開始哭)我想見媽咪嘅機會簡直係微乎其微，佢哋唔比我見媽咪，我記得……案發前，我最後見媽咪已經係2015年嘅聖誕節，就連農曆新年都無見，佢哋話見媽咪嘅話，媽咪會有事(有危險)，我借咗財務十幾萬，唔想媽咪為我負擔，想搵多啲錢去攪掂呢件事(欠債)，佢哋又用我張信用咭，又叫我問媽咪攞錢……」
「我真係比佢哋洗腦洗得好誇張，佢哋一直同我講去做呢啲事，有強大支援，唔會有事……」
「佢哋話做呢件事，叫我……做啦……係側邊坐，有需要幫下手就得，點知我做到呢個地步……如果我當時唔係拉住阿J，而係推開阿豪，結果會唔會唔係咁呢？當一個玩笑就帶過件事，唔會攪到咁大，仲處理屍體，我仲要跟佢哋走……好戇居囉……」
最後，探員問KK，是否願意做案件重組？KK：「我願意。我願意將所有實情講出嚟，對所有人有個交代……對死者家人有交代……」
今日審訊超時三十分鐘了，是時候退庭了……
(3420)
