油麻地殺鳳姐案(三)

油麻地殺鳳姐案(三)

《打打打……跑跑跑……》
本案被告陳鵬，現年23歲，被控一項謀殺罪，涉嫌於2015年8月26日於油麻地新填地街76號一單位內，謀殺性工作者李建風(阿風)，事發時45歲。被告不承認謀殺罪，但承認誤殺罪，控方不接納，續控謀殺罪，本篇文章談談被告錄影會面內容。

由於陳鵬選擇不上證人台自辯，所以他於醫院病房進行的錄影會面成為主要證供。錄影會面中，陳鵬是說普通話，所以警方提供一名翻譯主任進行翻譯，錄影質素不太理想，因為醫院病房背景聲音十分嘈吵、而且錄影時對人聲方面收音不太好，各人的聲音十分細小……陳鵬有時說普通話，有時說廣東說，有時在普通話中夾雜廣東話……以下資料經整理及歸類。
陳鵬，中國海豐縣出生，於海豐懸聯安鎮霞埔村生活及長大。陳鵬在內地接受教育直至初中一年級，後來於國內技術學校修讀。
2012年，陳鵬跟隨媽媽來港生活，他曾居住藍田、荃灣、牛頭角，直至案發前，因為陳鵬母親身體抱恙，陳鵬決定搬到觀塘與母親居住，同住的有媽媽、二哥、二嫂、還有兩名侄女兒。
來港生活後，陳鵬曾做多種類工作，例如於餐廳廚房任職切菜員、送貨跟車運水果、地盤工人、裝修工人……事發時沒有工作，只是跟朋友學習賣熟食，打散工……
陳鵬嗜好是跟朋友去遊車河、唱歌、跳舞、上網瀏覽等……所以擁有一部蘋果平版電腦(I Pad) 。陳鵬又稱因心臟不好，不可以進行刺激活動。有時，陳鵬會約朋友一同玩遊戲機，有時會與朋友一同喝酒。
警員問陳鵬有否服藥習慣，陳鵬說沒有，稱自己很容易患上感冒，會買感冒藥吃。當警員問陳鵬有否服食精神科藥物，陳鵬突然以廣東話反問警員：「咩精神科？係咪要睇醫生果啲？」

談到2015年8月25日，當晚陳鵬約了兩位朋友到油麻地吃夜宵，原因是陳鵬想問朋友們有沒有工作介紹，所以陳鵬當晚請客了。陳鵬突然以廣東話說：「我哋行下街，搵啲靚女玩下、傾下計。」
到了2015年8月26日凌晨大約一時半至二時許，三人在上海街、新填地街及西貢街一帶找美女。陳鵬說：「後來好累，就係上海街附近一個公園仔坐低，買咗嘢飲，坐低食煙……」「之後，另外兩個朋友找到美女，美女不夠分，所以我行開了……」
過了一會兒，陳鵬說：「發現有警察，所以我唔睇女仔喇，驚比警察查，點知都係比佢查，警察發現我個背囊裡面有偉哥(男性壯陽藥威而鋼) ，問我有無醫生證明，我果陣先知原來買偉哥都要被罰架？我害怕被罰，就同警察講，唔知道要證明架喎……之後警察抄低我個人資料，就放咗我，我當時好驚……」
「被警察查問後，我被嚇，一路跑，想搵番兩個朋友，但佢哋唔見咗，我諗佢哋上咗去上面妓女嘅地方，有幾個房間，我唔知道邊間，我就係下面街行了兩圈。」「我有4粒偉哥，我食咗一粒……我係街搵到靚女，問佢幾錢？(性服務費用) 佢好似講200蚊，然後同美女上房間，沖涼……我好累，唔舒服，就叫美女幫我全身按摩，按摩600蚊。」「同美女聊天，跟住做事情……」警員問陳鵬什麼是做事情？陳鵬答：「同美女玩，做嘢……男女之間嘅事情，覺得不好玩所以想換另一個(美女) ……有射精，有用安全套……」警員再問陳鵬，做事情是否做愛？陳鵬認同。
陳鵬說：「我好累，好眼瞓，想過夜(單位內)……就同美女講，想過夜，佢話很貴……我問佢可唔可以包夜，佢話無過夜服務，唔過夜架……我同美女講，下面(街) 有兩個美女，叫佢哋上嚟！」「有個美女上嚟，係隔離房，我問佢包夜幾錢，佢話好貴，要1000蚊，我話好貴，叫佢平啲，最後傾到900蚊，佢話OK！但我話我唔夠錢，聽日先比佢。」
「入房後，我肚餓，就攞背囊入面嘅蜜桃出嚟食，背囊裡面仲有蘋果、橙，仲攞咗個IPad出嚟充電，之後就同美女做愛，好似有用安全套、好似有射精。」「我好暈、頭痛，好想睡覺，我睡覺，美女叫醒我，叫我先交錢，我入房前問咗佢係咪即刻比錢，佢話聽日先比架嘛。」「美女叫醒我，我唔想醒，我叫佢聽日先講啦，我推開佢，佢又推醒我、整醒我，我背包個暗格有一千蚊，身上有幾百蚊，第一個美女我比咗6百幾蚊，得番百幾蚊，我無比錢第二個美女……」
「果一千蚊，我係問阿媽借，用嚟買嘢，同朋友食宵夜都係我出錢，我係個背囊度搵唔到錢，就叫個美女幫我搵，佢又搵唔到，我問係咪佢同事(第一名美女) 攞咗我啲錢啊，我頭先換過衫喎，佢話唔知係唔係啊！」
「我咩都唔想做，只想瞓覺，佢唔比我瞓，我打佢，佢又打我，又唔比我瞓，我同佢打架之中，攞到唔知咩打佢、打佢、打佢，一開始講咗幾時比(錢)架嘛……我頭痛，佢唔比我瞓，我食咗偉哥，唔舒服，我推開佢，佢跌到……」
「美女好大聲叫隔壁嘅人，我用左手掩住佢個嘴，打佢，又攞住嘢打佢，係枱上面攞，刀或者棍，尖嘅嘢……」
「佢打我，我叫佢唔好煩我，我好嬲，攞到嘢打佢、打佢、打佢，手上有血漬，有兩個人走過嚟開門，門無鎖，佢問頭先做緊咩？我話唔知道！」
「我同美女互相打(對方) ，我好嬲，攞嘢打打打她，類似係刀……枱上有刀，我將佢捉住，用刀打她，打打打……打到邊度唔清楚……」「有兩個人入嚟房，我手有血，我話美女跌倒，我提出報警啦，我就慌了，開門，恐慌，我拿手機及衣服跑出去，跑跑跑……跑跑跑……」「我當時無著褲，我都唔知道，我覺得自己無著褲，就係街問人借褲，人哋話無喎，跑緊果陣問人借……」
「跑跑跑，見到有把刀係手上面，就插咗係太陽傘個石座度，好恐慌，跑咗好耐，跑跑跑……跑跑跑……我頭痛、頭暈、好累，係咁跑，大約跑左半個鐘，我無戴眼鏡，睇唔清楚，跑到去大馬路，上咗的士去觀塘。」
「司機問我去觀塘邊度，我唔識講，我恐慌，係碼頭有水嘅地方落咗車，無比錢，有人食煙，比咗支煙我，有三個人同我講嘢，我話岩岩同人打交，手有血，我話唔識果個人……有個哥哥話攞水比我飲，唔知點解我跳咗落去(海) ，但我又自己上番嚟……」
「我頭痛、頭暈、講唔出嚟點解打咗人，我好驚……警察叔叔嚟到，好驚，佢叫我上警車，問我咩事，我話打咗人，想番屋企。」
警員問陳鵬為什麼要跳海？陳鵬答：「好驚、好緊張、好慌張，我想搵個地方躲起來，因為我睇唔清楚前面，想走去海邊，就跌下去(海)……我自己爬爬爬，上番嚟(碼頭陸地)……」

以上就是陳鵬的錄影會面，他選擇不上證人台作供，亦沒有其他辯方證人，於是案件迅速到達結案階段，控方大律師麥祖耀僅用了二十分鐘作結案陳詞，因為這宗案件案情十分簡單。而辯方資深大律師布思義則用了不足兩小時作結案陳詞，主要說述被告的錄影會面。
經法官總結及引導陪審團後，陪審團退庭商議，經過兩個多小時商討後，四男三女陪審團一致裁定，陳鵬誤殺罪名成立，法官以監禁12年為量刑起點，由於被告開審時承認誤殺罪，所以酌情扣減三分一刑期，總刑期為監禁8年。