石棺藏屍案(二十四)

石棺藏屍案(二十四)

《T作供篇-我地去自首......》

案情撮要：2016年3月4日至3月29日期間，於荃灣灰窰角街DAN6商業大廈，本案被告曾祥欣(T)、劉錫豪(阿豪)、張善恒(KK)涉嫌謀殺男子張萬里(J)。行兇後以木板製成巨型箱子，放入屍體，再用水泥填封整個箱子，形成石棺。

三名被告企圖將石棺運到偏僻地埋掉或掉進海裡，可惜石棺過重，超出電梯負載量，需折返單位……三人欲鑿開石棺取出屍體方便棄屍，始終失敗，於是把石棺留在單位內，決定帶同知情女子何菱瑜(小草)逃走到台灣……

今早十時，繼續遊走高院，石棺案，終於過走了沉寂階段，期望每堂精彩，尋找真相……萬眾矚目的時刻終於來臨，究竟被告們會否上證人台自辯嗎？今天……T……上證人台了！(本篇文章經過資料處理及歸類寫成)

第一被告(T)大狀開始主問。

關於T的個人生活方面。T從來沒有上班，間中任職短期(幾天)工作。賺錢的途徑，第一，與J的中介人合作關係(始於2008年)，兩人有很多不同的中介工作，J是財務公司職員，T會介紹其他人前往該公司借貸。另外，兩人亦會推介及安排國內人士到香港投資物業。第二個賺錢途徑是上網買賣。

關於荃灣DAN6單位方面。T讓各朋友居住於自己所租的單位，是因為獨居很沉悶。

關於THERE方面。大狀問T，真的有THERE組織？T答：「一開始係Whatsapp嘅群組，如果呢個群組算係組織，咁係組織囉……」「好耐之前，成班朋友，我、阿豪、梁俊彥(只說與本案有關人士)，講好多平時唔敢講嘅野，係群組度講講講……」

李官問T，意思是Whatsapp群組名稱叫THERE？T答：「T.HERE，意思係：我(T)係群組入面，大家係群組裡會吹水、傾計，後來講講下就變咗THERE。」

大狀問T，群組有否提及J的頭顱價值二千萬？T答：「我唔係話個頭，係個人價值，我亦講過我值五千萬美金，意思係個人賺錢能力，其實係講笑嘅一個點囉……亦講過好多唔同類型嘅嘢，由始至終無人覺得我講嘅嘢係真。」「我哋成班係單位閣樓或出面嘅Starbucks(星巴克咖啡)，話借THERE呢個名義開Meeting(會議)，傾好多唔同類型嘅嘢，內容講過果啲值錢嘅人，又傾下各人幻想嘅犯法事……」

大狀問T，有關Delete Record(刪除記錄)是甚麼來的？T答：「果個係我地講出嚟，係Delete Record List(名單)，只寫果個人值幾錢，個List有好搞笑嘅人，例如教宗、總統(庭上傳出笑聲)……其實係我地幻想出嚟嘅一個List，有懸紅……」

大狀問T，為何有Delete Record？T答：「我哋好玩咁Set(設)個List。」

這時李官提醒T，若選擇以廣東話作供，要用廣東話作答，不要加英文，翻譯主任會將答案翻譯成法定語言英文……若果翻譯有錯，大狀會提醒翻譯主任。T說明白。

關於2016年3月1日，於荃灣COCO Duck酒吧發生的事。T說：「當時係J打比我，話約出嚟傾一個澳洲房地產項目，之後就去咗COCO Duck飲酒同傾嘢……一開始係兩個人，跟住阿豪打比我，我唔知佢係番到屋企無嘢做定悶，我話同阿J飲緊酒，阿豪話過嚟，我話OK啦……隔咗陣，K又落埋嚟……」

大狀問T，J與你談澳洲房地產事宜時，是單獨還是大家一起談？T答：「我哋一路飲酒，一路講緊呢個Project(項目)果啲嘢啦，之後佢拉咗我去酒吧出面，問我可唔可以搵上一單Project嘅金主借錢比佢……可能佢唔想比其他人聽到，所以佢先拉我出去講以前啲金主。」

大狀問T，最後當晚發生何事？T：「J離開酒吧，佢自己另外走……我同阿豪、KK就行番去DAN6屋企……過馬路果陣，阿豪講：哎呀！今日整冧唔到佢(J)，整暈唔到佢，諸如此類……」「我果個Moment(時刻)就話：做乜事冧佢唔到……原來阿豪想整暈J，拎佢啲錢，就係咁……」「阿豪話攞唔到錢，無得同大佬交代……我問阿豪，咩同大佬交代啊？阿豪叫我唔好理，總之下次J出嚟嘅話，就叫埋佢出嚟……」「跟住KK有回應，但答乜我聽唔清楚，因為過緊十字馬路好長，有車係隔離好嘈……我哋傾閒計，行番Dan6……」

大狀問T，對「冧」字的理解是甚麼？T答：「我嘅理解係砍佢、隊冧佢，整醉阿J……即係出嚟飲酒，我灌醉你，就係隊冧你咁嘅意思。」

大狀問T，是否知道阿豪於酒吧內的打算(令J暈)？T答：「唔知，因為我一直係J嘅隔離。」

有關2016年3月4日凌晨發生的事。大狀問T，為何去觀塘海濱長廊？T答：「果日，因為阿J已經打咗百幾二百次比我架喇，我接咗一兩次之後，覺得佢好煩，於是我就將佢嘅電話號碼，拉去小熊來電(拒接垃圾電話來電的手機應用程式)。」

T：「我同阿豪、KK傾計，我覺得佢(J)唔似想搵我借錢，佢似係想搵我笨多啲……我話不如整暈佢啊……KK話唔借錢比佢咪算囉……阿豪話唔借錢比佢，咁老笠(搶劫)佢一次咪算囉……」「我支持老笠呢個行動，我哋又傾，我比咗個地點出嚟，我話去觀塘海濱長廊老笠佢……約阿J去觀塘應該約到嘅……」

這時李官提醒T：「請你慢慢講，因為法官同律師要記錄你講嘅嘢，陪審員都有可能需要做記錄，所以慢慢嚟，逐段講。」

大狀問T，有否去觀塘海濱長廊？T答：「我同阿豪、KK搭的士去，個計劃係DAN6度傾……計劃係我同J係觀塘海濱長廊嘅長椅傾文件，我就唔覺意倒瀉嘢係佢身上面，然後陪佢去廁所。阿豪負責搵方法整暈我哋兩個。」

大狀問T，阿豪如何弄暈你及J？T答：「呢Part(部分)係商討當中，因為要整暈埋我嘅……老笠過程點去完成，其實係無結論架！」

大狀問T，有否指派KK做甚麼？T答：「因為KK話唔會郁手，最多陪我係啊J隔離睇文件架啫……同埋係廁所出面睇水(把風)。」

大狀問T，你們最後乘的士離開觀塘？T答：「係，我哋係的士上傾過計，關於老笠果樣嘢，傾緊觀塘海濱長廊太多CCTV(閉路電視)，跟住我哋三個否決咗呢個Plan(計劃)。」「傾閒計果時，阿豪話，不如都係冧佢啦……我接住講你鐘意冧咪冧佢囉，我唔知架……」

大狀再問T，「冧」的解釋是甚麼？T答：「飲酒整暈佢(J)，灌醉佢，目的都係想攞佢啲錢。」

有關2016年3月4日早上發生的事。三名被告由觀塘海濱長廊返回DAN6單位，阿豪睡覺前對T及KK說：「你兩個搵到地方老笠佢(J)就同我講啦，我淨係郁手架咋！」之後T及KK於閣樓Google Search(谷歌搜尋)老笠J的地點。

之後，小草回到單位，T開門給她，然後T與小草返回閣樓。小草問T與KK在做甚麼？T答：「做緊Google Search，目的係阿豪話要老笠阿J，咁我同KK就搵地方。」

雖然找不到適合的地方，經三名被告商討後，決定由T與KK前往購買打劫J的用品。

大狀問T，阿豪想打劫J，他打劫是他的事，你為何前往購買打劫用品？T回答：「基本上要出錢嘅嘢，都會叫我去買……無話肯定邊個叫我買，我淨係記得同KK去買。」

大狀問T，誰將會打劫J？T回答：「阿豪會郁手。」

大狀問T，有沒有打算參與打劫行動？T回答：「我參與買嘢囉！」

這時李官問T，是否同意打劫計劃？T回答：「去完觀塘海濱長廊後，已經無老笠呢個打算。」

李官問T，為何購買如此多打劫用品作搶劫的準備工夫？T回答：「我都係純粹買架啫……」

李官再問T，你不同意打劫J，但購買用品準備打劫J，好像邏輯錯誤？T回答：「佢地(阿豪及KK)話呢度得你有錢，都係你去買番嚟，睇下用唔用都好啦！」

李官再追問T，為何你不提供一至二百元給他們去買用品？T回答：「我習慣自己比錢去買，錢唔過人手係我習慣。」

大狀問：「阿豪講冧阿J，冧係佢嘅事，你講有買哥羅芳同繩，但當時係無意思老笠J？」T回答：「係啊！」

大狀問J，購買哥羅芳後，放置在那裡？T回答：「買咗番嚟，我哋四個係閣樓度玩，唔記得邊個攞咗蔡心兒條底褲出嚟，將哥羅芳啣係底褲上面，倒咗好多，一個傳一個攞條底褲索下陣味(T笑了笑)，然後隨手放低咗條底褲。」

有關2016年3月4日大約中午發生的事。當日大約中午時間，約了J在荃灣荃新天地譚仔三哥米線用餐，當時KK在場。T說：「當阿J嚟到，我同KK差唔多食完，J話唔好係呢啲地方傾，佢話不如去我度(DAN6單位)傾。」

大狀問T，當時心目中，有否想到回家後會發生事情？T回答：「我無諗過啲咩事情。」

大狀問T，有否對J說，房地產建議書將由KK閱讀？T回答：「係譚仔同J講過，呢啲文件比KK睇得架喇，如果佢(KK)話真係OK，我就幫你(J)問金主借錢，如果佢話唔OK，我就唔會借錢比你。」

這時李官問T，J想向你借多少錢？T回答：「佢講嘅金額好飄忽，係肥媽茶餐廳話借500萬，COCO Duck就話借300萬，打好多次電話比我，不停遞減金額，話借100萬然後減至借50萬，直至佢攞文件出嚟果日，佢話借30萬都OK！」

大狀問T，何解說J想欺騙你？T回答：「首先係如果佢要等我搵金主，唔需要兩日打百幾次電話比我，而且講個價越嚟越低，所以我覺得佢呃緊我！」

有關2016年3月4日，於DAN6單位內發生的事。T與KK、J由荃灣荃新天地步行回單位，期間，到美心快餐買了外賣給阿豪，然後三人到達單位。

入屋後，T返回閣樓休息，當時小草正在睡覺，T睡在小草旁邊。T說當時真正入睡了，因為已經三十多個小時沒有睡覺，合上眼便睡著。

T：「我瞓咗一陣，聽到客廳有人嗌：X你老母，唔好玩啦！(不認得是誰的聲音)」「我醒一醒，反應後覺得有人爭執……我哋呢班人當中，粗口係經常聽到架，所以我繼續瞓……」

T：「又隔咗一陣，幾耐就唔清楚，阿豪同KK嗌我落去幫手，我就扎一扎醒，起身，慢慢行樓梯落去……」「行到落樓梯一半果陣，係床褥上面，淨係見到阿豪背影，仲有幾隻腳，我停咗停，再行多幾步，呢個時候阿豪叫幫手，我問佢點幫手？佢答吉針(注射)。」

T：「我落到樓梯最底嘅時侯，見到佢哋動作好似三文治咁，阿豪騎住J，J壓住KK，我唔肯定佢臉向天，但我見到佢腳趾向上，所以我覺得J係臉向天，KK都係臉向天。」「我淨係見到阿豪右手唔知撳住啲乜，另一隻手撳住第二度，應該係支撐住自己。」

大狀問T，當時阿豪右手拿著甚麼？T回答：「以我記得就……我唔記得……(庭上傳出笑聲)」

T：「KK係最底，J嘅右手放咗出嚟，我係J嘅腋下見到K嘅右手，從後箍住J嘅腋下至膊頭，而左邊就睇得唔清楚。」

T：「我上左閣樓，攞咗支151酒(調酒用，酒精濃度75.5%)，再係櫃筒攞支針筒，將酒從樽裡面抽出嚟，再行番落去，係J隻腳吉咗一下，唔記邊個位置，然後阿豪叫我再打針……」

大狀問T，當時為何上閣樓攞針筒？T答：「當時阿豪嘅神情係跳咗掣，失常咁，佢望一望我，果刻我就Follow(跟從)咗佢嘅意思……幫J打咗三針，最後將針筒放係枱上面。」

T：「阿豪鬆手時，KK已經爬番起身，KK望住阿豪，跟住KK同暈咗果個張萬里(J)做心外壓，又叫我過去幫J把脈啦，我話無脈膊跳動嘅感覺……」「KK幫阿J一路做心外壓，一路講，乜唔係話唔會整死人架咩，淨係整暈佢咋嘛……」

T：「當KK幫J做完心外壓後，我上咗閣樓，攞小草化妝果塊細鏡，拎到去樓梯度，阿豪拎咗過去，放係J鼻前面，阿豪話果時無霞氣係度，所以果刻已經知阿J已經死咗……」

大狀指出，T於早前已承認阻止合法埋葬屍體罪，所以2016年3月4日至3月10日，直至被告們離開DAN6單位期間所發生的藏屍事件，就不作發問。T於法官覆述一次大狀意思後，說：「明白、確認！」

大狀發問的最後一個範疇是四人於台灣的事情。T作供提及：「小草於2016年4月10日，已經離開了咗我哋三個，佢話去搵朋友……同一晚，阿豪就出咗去，因為佢係台灣有個生日會……」「果刻我同KK，仲有一個係台灣先識嘅朋友，一齊傾計，講咗我哋係香港發生嘅事……過咗一陣之後，我同KK話，不如自首啦……」

T：「之後果朝早(4月11日)，我仲用電話發咗個SMS(訊息)比小草，話比佢知我哋(T及KK)想自首……果刻我哋唔知道小草去咗邊，發完訊息，就叫KK落街買早餐，諗住食完早餐就去派出所嘅地方……係KK番嚟果陣，已經同台灣警察一齊上嚟！」

T：「台灣警察話比我哋知，我哋嘅入台簽證到期……有個帶隊嘅大隊長，同我及KK講番點解我哋要去移民局，又傾番台灣呢段時間嘅嘢，佢問咗好多嘢，然後我哋兩個話，其實我哋想自首……」「大隊長用手機影低咗張相，係顯示我哋用手機發咗短訊出去比小草，內容係：我地去自首。」

T：「呢個時候基本上同KK一齊，當時大隊長比咗張相我睇，問我呢個係唔係同行人士，張相係阿豪嘔緊嘅相……」「我哋去到移民局，係一個好大嘅籠入面拘留(可容納十至二十人)……後來見到阿豪係獨立囚室，見到佢飲完酒仲醉緊(昨晚生日會外出)。」

最後，大狀問：「係台灣拘留期間，有無同KK商討，番到香港要點同香港警察講嘢(作供)？」T回答無。

T主問完畢，接著由第二被告(阿豪)的大狀向T盤問，我們明晚再談……

(4846)