石棺藏屍案(十七)
《草兒公主病……》
案情撮要：2016年3月4日至3月29日期間，於荃灣灰窰角街DAN6商業大廈，本案被告曾祥欣(T)、劉錫豪(阿豪)、張善恒(KK)涉嫌謀殺男子張萬里(J)。行兇後以木板製成巨型箱子，放入屍體，再用水泥填封整個箱子，形成石棺。
三名被告企圖將石棺運到偏僻地埋掉或掉進海裡，可惜石棺過重，超出電梯負載量，需折返單位……三人欲鑿開石棺取出屍體方便棄屍，始終失敗，於是把石棺留在單位內，決定帶同知情女子何菱瑜(小草)逃走到台灣……
又回到審訊現場，庭上繼續播放第二被告(阿豪)的警署錄影會面，第四次至第六次的錄影會面中，警員將第一被告(T)、第三被告(KK)和何菱瑜(小草)的警署錄影會面播給阿豪觀看，再看看阿豪有甚麼反應及回應……
播放前，李官先向陪審團作出簡短引導……「法律容許將一個疑犯嘅錄影會面播放比另一個疑犯睇，陪審員可考慮被告嘅反應及回應……」
庭上作供的警員亦稱：「同一宗案件，疑犯A係錄影會面中，講出所有細節，而疑犯B無講過任何嘢或否認與案件有關事情，案件主管就會考慮將疑犯A嘅錄影會面或書面口供，比疑犯B睇，然後睇疑犯B有咩講或回應！」
由於稍後阿豪所有錄影會面播放完畢後，KK的錄影會面將會呈堂播放，為了節省審訊時間，重疊播放同一個錄影會面，現在庭上只播出阿豪看完KK錄影會面的反應，阿豪反應十分大……氣沖沖地說：「阿Sir我有嘢想講！」在場警員立刻焦急地向他進行警誡，然後阿豪氣憤地說：「跟本就夾過嘅(指T及KK口供)，係台灣佢哋有成日時間夾口供，我唔知佢哋講過乜，小草係見得最少，我覺得完全係不公平狀態……佢哋可以坐埋傾計，我覺得對自己真係好唔公平，謀殺啊依家……如果我未睇到其他人(T及小草)證供嘅話，我唔會再講任何嘢……根本就夾埋曬(夾口供)……」
之後，第五次錄影會面，警員將T的警署錄影會面，播給阿豪看，留意到片中阿豪一些表情……
當播出T錄影會面的第一句話：「阿Sir，小草無郁手，最多知情，我有幫手，不過我唔係主謀，主謀係阿豪，我幫手處理(搬)屍體！」看見片中的阿豪以左手掩著臉，露出一副無奈的樣子……
再播出T的第二句話：「阿Sir……主謀係阿豪，因為我落去（地下客廳）果陣，仲見到阿豪拎住條底褲，掩住J個口，所以覺得阿豪整死J。」阿豪搖搖頭，像不認同這句話……
當播出T回應警員，證實T只是DAN6單位的租客而不是業主，片中的阿豪無奈地望天感嘆……
當T的錄影會面談及案發計劃、過程，T在錄影會面稱：「阿豪話不如直接迷暈J(死者)，又去觀塘碼頭視察環境，想整暈J同打劫佢，原因係阿豪話等錢洗！」阿豪看到T在錄影會面的這番話，又再顯露無奈的樣子，搖頭了好幾次……
當T的錄影會面談到處理屍體及製造石棺時，說藏屍方法是由阿豪決定的，片中的阿豪不停搖頭，極不認同。
當T在錄影會面中提及阿豪盜取了J的信用咭，片中的阿豪樣子十分愕然……
播放T的錄影會面後，阿豪在錄影會面稱：「我依家無嘢想講，想睇埋阿草嘅錄影會面先回應……」
這時，在庭上，李官對陪審團說：「何菱瑜嘅錄影會面係非常重要，因為重未係庭上播放，所以請陪審員小心聆聽……」
警員在阿豪進行錄影會面期間，播出小草的錄影會面給阿豪看，片中的小草，聲線明顯比在庭上作供時低沉、鎮定，她冷靜回答女探員的問題。
在影片中，小草說述的口供，與庭上的作供無太大差別，只是在庭上漏說了有關J的手錶最後去向。有關J的Omega手錶，根據阿豪的錄影會面，說是T吩咐他找朋友幫忙賣掉，小草在錄影會面稱：「阿豪朋友吞咗隻錶，所以我聽到T講，都話果日比我(T)放咗隻錶去架啦！」
阿豪的錄影會面中，當觀看完T、KK、小草的警署錄影會面，阿豪開始作出回應。回應前，探員向阿豪作出警誡「唔咪事必要你講，除非你自己想講……」
阿豪：「首先係台灣拘捕後，T同KK有一日時間傾計……曾祥欣(T)話J想呃佢啲錢，於是想老笠阿J，點解會關我事，變咗我提意話打劫阿J……」「到案發之前，我根本就瞓緊覺，阿草口供都話我瞓咗，當時係T同KK係閣樓搜尋緊Google Map(谷歌地圖)，呢part又點會關我事啊……我完全唔明……」「佢哋(T及KK)夾過口供，話案發果陣，KK係阿J後面，將事實調轉黎講，T仲話無幫J打針，但事實我見到佢真係有幫J打針，係拮(針)落皮膚……」
阿豪：「話我塞手套入阿J個口，X(粗口)……我拎出黎就有(意指阿豪從J口中取出手套)……」「阿T話無用刀切阿J，我睇住佢親手攞把刀入廁所，想幫J放血啊……」「T叫我賣電話，我無，KK都無講過我有賣電話……而隻錶，我係有處理，但最後都唔見咗啦……」「處理屍體，我係有講、有討論，但最後唔係我決定……」
阿豪：「阿T成27歲人，呃過咁多人，你話我做，搵鬼信你咩……佢哋一早諗好曬點推落我度……」「T話要本Passport(護照)，用嚟係台灣租旅館，我話無辦法，叫T自己諗辦法，佢搵咗朋友廖(之前證人)借咗本護照，當時廖臨走前仲拍拍T嘅膊頭，叫T自己小心啲啦！」
最後，阿豪回應：「關於阿草，我一直都唔主張佢跟埋我哋一齊去台灣，我直頭話唔叫佢去，本身佢一個女仔會好麻煩，而且佢本身又公主病……我係機場櫃枱X曬鬼，話買唔到機票就唔好L理佢啦，唔好L等佢(小草需出示改名契才可買機票，但後來不用改名契都可買機票)所以由頭到尾我都唔想阿草去台灣，佢會阻住我哋……」
星期三會於下午繼續開庭審理，將會播出KK的錄影會面，我們拭目以待——KK的故事……
(2154)
沒有留言:
張貼留言