石棺藏屍案(二十六)

石棺藏屍案(二十六)

《T作供篇-THERE通訊衛星？》

案情撮要：2016年3月4日至3月29日期間，於荃灣灰窰角街DAN6商業大廈，本案被告曾祥欣(T)、劉錫豪(阿豪)、張善恒(KK)涉嫌謀殺男子張萬里(J)。行兇後以木板製成巨型箱子，放入屍體，再用水泥填封整個箱子，形成石棺。

三名被告企圖將石棺運到偏僻地埋掉或掉進海裡，可惜石棺過重，超出電梯負載量，需折返單位……三人欲鑿開石棺取出屍體方便棄屍，始終失敗，於是把石棺留在單位內，決定帶同知情女子何菱瑜(小草)逃走到台灣……

本篇文章與大家一同看看第三被告(KK)大狀盤問T的過程，拭目以待……

大狀第一個盤問範疇是T與KK的關係。T與KK是2015年10月31日，蘭桂坊一個萬聖節派對認識的。T稱，知道少許KK的家庭背景。雖然T不知道KK於兩歲時，KK的父母離婚了，但知道KK是單親家庭長大，媽媽獨力照顧KK。媽媽於醫院任職醫務助理，獨個兒把KK撫養成人，好不容易買了將軍澳一個單位作安樂窩……

T認為KK讀很多書，是一個有學識的人，雖然不知道KK高中畢業後曾任職時裝店售貨員，但T知道KK除了全職工作外，還同時修讀了高級文憑課程。後來KK轉職，到港鐵公司任職站務主任，月薪港幣一萬三千元。

大狀問T，當時與KK相識不久，KK是否有任何財政困難、是否需要借錢去解決財政困難？T答：「我唔會知佢有無財政困難。」

2015年萬聖節後幾天，T邀請KK到DAN6單位談天，翌日早上，KK自行到了首爾渡假，返回香港後，T與KK再次見面。

2015年11月12日，KK到了DAN6單位，T叫KK到財務公司借貸。大狀指出，KK曾對T稱：「都無財政困難，點解叫我去借錢？」T不同意。

大狀指出，T曾經對KK說：「唔駛擔心，就算借到錢，唔駛還，我識人係財務公司入面做，可以刪除貸款記錄。」T回答：「一啲同意，一啲唔同意，我有講過還同唔還個情況係點樣……識得人係財務公司做，唔駛還錢，我意思係識得有人係入面做，但佢哋剷唔剷到個記錄我係唔清楚。」

大狀指出，T對KK進行詐騙，令KK相信借貸後可以不用還款，可以刪除記錄。T不同意。

大狀指出，T叫KK去財務公司借錢的事，阿豪知情。T認同。

大狀指出，T與阿豪帶KK到黃大仙大眾財務分行進行借貸。T認同。

大狀指出，T叫KK向大眾財務借貸港幣七萬元。T不同意。

大狀問T，KK到底向大眾財務借貸多少元？T答：「我唔同意，意思係我唔知佢借幾錢架喎……」

大狀指出，KK貸款港幣七萬元後，T叫KK將五萬元交給他。T答：「唔記係咪五萬。」

大狀問T，為何要取KK的錢？T回答：「我同KK講，有個人負責投資，問KK有無興趣投資，問佢攞筆錢去投資，投資有幾個金額可以揀，佢就比現金我。」

大狀指出，第一次借貸後兩天，T是否叫KK到邦民財務借貸？T記不起是那一天。

大狀問T，為何要叫KK再去借貸？T答：「我唔會知佢點解要同第二間財務借錢。」「我有同佢講過話投資可以大啲，但佢借唔借錢我迫唔到佢。」

大狀指出，KK向邦民財務借貸了七萬元，T叫KK將六萬交給他。T同意。

大狀問T，若果投資事項是真的，那有沒有回報？T答：「幫KK投資果個(人)死咗囉喎……J係負責幫KK投資果個(人)，我講過話投資最少要三至四個月。」「唔淨只KK，咁耐以來，J都係負責(其他人)投資果Part(部份)。」

突然，李官說：「唔知有幾多個人，我無興趣知道其他人，要集中講KK。」

大狀問T，T取了KK的錢去投資，投資人是J，其實KK知不知情？T答：「唔知有無講過，有無實際同KK講係阿J投資，就唔記得。」

大狀指出，KK借貸一個月後，開始收到財務公司催收帳項，T對KK說不用擔心，會處理到。T不同意。

大狀指出，當KK追問T有關財務公司還款的事，T恐嚇KK，說有人跟著KK。T不同意。

大狀指出，同樣地，小草追問T每月八千元的工資，T同樣恐嚇小草，說有人跟著她。T不同意。

大狀指出，2015年11月，T請阿豪、KK、小草到澳門旅遊，入住威尼斯人酒店。之後，T再與KK、小草乘飛機到T家鄉梅州。其後，T再請KK、小草到日本北海道旅遊。T同意。

大狀指出，T到了梅州家鄉，介紹KK及小草給家人認識，「街坊」稱T做少爺。T回應：「街坊唔係，係祖屋啲人叫少爺。」

大狀指出，到達北海道，旅程中，T對KK說戶口被凍結，所以叫KK以信用咭支付洗用。T回應：「我補充，我係有叫KK用信用咭碌一碌咭，不過唔係全個旅程，係旅程最後果兩日。」

大狀問T，帶KK到三個地方遊玩目的，是否要炫耀自己富有？T答：「一齊就有得玩，去玩喝玩樂……我純粹請佢去玩，無諗咁多嘢。」

大狀指出，從北海道返回香港，KK便搬入DAN6居住，共居住了三個月，T是要令KK欠他人情，所以熱情款待KK。T答：「完全無咁嘅覺得。」

大狀指出，T曾經將一些混有不知明物質、不知明粉末的酒，給小草及KK喝，之後兩人都感到身體不適，昏迷、神志不清、不醒人事、喪失判斷力及時間觀念。T答：「我係屋企成日都溝啲嘢落酒度，所以我唔知果啲粉末係咩……好多顏色，好多酒都有溝過……同佢哋練酒量……」「有同佢哋講過飲呢啲酒無問題……係需要啲時間適應……」

談到T與第二被告(阿豪)的關係。T與阿豪相識了八年。T曾告訴阿豪，T與J之間的金錢瓜葛。

大狀指出，得悉J死後，T搜尋J的公事包，然後告訴阿豪，知道J家中有港幣一千萬現金於夾萬內，並且知道J銀行戶口內有八位數字的金額。T不同意。

談到T與死者張萬里(J)的關係。T與J的生意伙伴、合作關係始於2009年，T認為他與J的合作可算是成功，J於財務公司內工作，T介紹客人到財務公司借貸後，就可得到佣金。

T稱沒有與J合作，開設一間投資公司，J亦沒有合股五百萬元。T曾經將與J生意關係，略略告訴KK，只是表面資料，並不詳細。但T沒有將與J的金錢瓜葛告訴KK。

談到2016年3月4日，T曾經與J的未婚妻通電話，T告訴J未婚妻，J有來過DAN6單位，但沒有領取金額五百萬本票。大狀指出，T對J未婚妻說：「有張五百萬，抬頭寫張萬里嘅本票……」T回應：「類似有咁講過啦……我應該係話，有張本票抬頭寫J個名，問佢要唔要，佢話唔要喇……應該係咁。」

大狀問T，為何J想要這張本票，是否想從你與他合作的公司退股？T答應該是。大狀追問T，真的？T再回答：「唔係！」

大狀問T，為何J急切地需要這張本票，是否J於3月1至2日曾經簽了樓宇的臨時買賣合約？T答：「J係咁講……」

大狀問T，知否J與未婚妻買樓的金額二十一萬支票訂金退了票？T答：「佢未婚妻庭上作供有講。」

大狀指出，根據控辯雙方同意事實，由2016年3月3日至3月4日期間，J共致電了106次給T，但T於這段期間內，只致電了5次給J。

大狀問T，你認為J向你借錢十分煩厭，借款金額由港幣五百萬，一直降至港幣三十萬。T認同。

接著，大狀問T：「乜死者唔係追你還五百萬咩？」T回答：「我都無爭佢五百萬。」

大狀追擊T：「如果無，點解你叫J嘅未婚妻黎攞本票？」T回答：「我純粹係講大話，想拖延時間。」

大狀指出，J的106次來電，是催促你借錢給他，實行澳洲房地產投資。T認同。

大狀指出，你感覺J藉著澳洲房地產項目，想欺騙你金錢。T認同

大狀指出，J向你借這筆貸款，其實你沒有錢，不能借給他。T：「我無五百萬現金，但三十萬現金都有，有二十萬係婆婆度……」

大狀追擊說：「但你著草都要問爸爸借七萬蚊，咁你3月4號點會有三十萬可以借比佢(J)啊？」T答：「如果我要借錢比佢，我可以出去搵人借錢比佢，唔一定要我自己借比佢。」

大狀再追擊說：「係問緊你本人點借點比佢，唔係你啲金主啊……」T回答：「如果我真係要借錢比佢，我買咗屋企啲Herman袋都借到比佢嘅……」李官問是甚麼來的？(庭上傳出笑聲)經翻譯主任正確發音，意思是法國名牌愛瑪士(Hermes)的手袋。

有關THERE組織的事。大狀指出，T曾說過殺掉J就會有二千萬美金。T答沒有說過。

大狀指出，所有相關時段，說殺掉J可得二千萬，根本不是認真。T同意。

大狀指出，在THERE中，沒有人會嚴肅看待談話內容。T答：「認同……基本上成班飲酒吹水，都無人認真架啦……」

大狀指出，在THERE的「吹水」過程中，提及殺掉前特首梁振英，便可得到一百萬美金。T回答：「我係講值咁多錢啫，我無話殺咗佢……我講笑咁講過……佢係出現係Delete Record list(消除記錄名單)上面……」

大狀指出，在THERE中，提及過炸掉香港三條海底隧道。T答：「我記得有人講過，不過唔係我。」

大狀指出，在THERE中，T曾經說外太空有個衛星，與THERE通訊是依靠該衛星。T答：「我無講過呢啲嘢！」

大狀指出，在THERE中，T曾經說可以控制原子彈。T答：「有人講，但唔係我。」

有關觀塘海濱長廊的事。大狀問T，你知道J真是富有的人？T答：「佢應該收埋收埋啲錢！」

這時李官問T，這是J的錢，為何叫「收埋」？T回答：「佢(J)儲嘅錢。」

李官問T，J在你眼中，富有得令你想去「老笠」他？T否認。

李官說：「如果係咁，果朝你點解去觀塘視察環境，搵適當嘅地方老笠J嘅錢？」T回答：「我去觀塘嘅意思係，我跟從咗阿豪嘅意思，去果度睇下個地方，因為我提意架嘛個地方……」

大狀問T，你到達觀塘海濱長廊那刻，是同意加入「老笠」J？T答：「去到觀塘果刻，我都係同意。」

大狀指出，你之所以到觀塘海濱長廊視察環境，源於是COCO Duck與J喝酒當晚，阿豪於回家時與你及KK說：「今日冧佢(J)唔到，無得同大佬交代。」T認同。

大狀指出，由COCO Duck回DAN6途中，阿豪吩咐T，若果下次相約J出來見面，就告訴他(阿豪)，「老笠」他。T答：「應該係話，如果下次阿J再出嚟，叫埋佢(阿豪)。」

大狀指出，你們到過觀塘海濱長廊視察環境後，知道當地太多CCTV(閉路電視)，不能下手「老笠」J。T認同。

T稱，於觀塘回DAN6途中的士上，三人有談話，大家有共識取消打劫計劃及念頭。

有關2016年3月4日早上於DAN6單位發生的事。當三人從觀塘海濱長廊回到DAN6，根據T的證供，阿豪吩咐T與KK做Google Search(谷歌搜尋)，尋找適合地點「老笠」J。縱使T與KK都有做Google Search，三人沒有想過於3月4日當天動手，亦沒有想過於DAN6單位內或其他地方動手「老笠」J。

T與KK找不到適合「老笠」J的地方，之後三人在討論「老笠」事宜。大狀問T，這次談話的理解是甚麼？T答：「傾完計，佢(阿豪)話今日唔會攪咁多嘢架喇……」

大狀指出，三人討論如何弄暈J，有人提及哥羅芳，而3月4日早上便買了哥羅芳回來。T認同。

大狀指出，T及KK買了哥羅芳及其他打劫用品回DAN6，但不是3月4日當天用的，只是用作Standby(準備)。T同意。

有關哥羅芳的事情。李官指出，T曾在警署錄影會面中，說過家中的哥羅芳差不多用完了，阿豪吩咐T購買及準備，T就去買哥羅芳，因為家中不夠用。T認同。

李官問T，你常常在家裡使用哥羅芳？T回答：「屋企樓梯下面啲膠書架，係用哥羅芳黐。」

李官問T：「用亞加力膠黏合劑？」T認同。

李官追問T：「你肯定用哥羅芳係作以上呢個目的？」T回答：「果間膠鋪個人話黐到，我咪買囉……」

李官再問：「有無係你任何警署錄影會面講過，哥羅芳係以上呢個用途？」T答沒有。

李官問：「計劃整好多書架牙？」T答：「唔係……三個人傾計果陣，唔記得邊個講，有人話哥羅芳可以整暈人，屋企果支就嚟用曬，所以買支新嘅。」

有關2016年3月4日中午，J到達DAN6單位後發生的事。大狀指出，T曾對警察告訴及試範一連串目擊案發過程，阿豪、KK、J一同於下層客廳床褥上，是阿豪於最上方，中間是J，最底層是KK。T認同。

大狀指出，直到T替J最後一次打針，KK仍然被壓在最底層。T：「認同，呢個係事實。」

大狀問T，當時阿豪在做甚麼？為何要壓在最上？T回答：「我見到佢隻手，唔知撳住J的乜嘢，另一隻手撐住自己，騎係J嘅上面……佢(阿豪)成個人壓落去，應該好大力。」

大狀問T，知否阿豪體重多少？起碼八十公斤？T答：「確實唔知佢幾重，不過應該幾重……應該有八十公斤。」

大狀問T，知否J有多重，根據法醫說，解剖屍體時J有三十六公斤，那J原本的重量有否七十公斤？T答：「都係我唔知道佢有幾重……係瘦阿豪少少。」

大狀指出，那阿豪加上J的重量差不多有一百五十公斤(壓著KK)。T同意。

T的第一份及第二份警署錄影會面中，曾提及阿豪掩著J。大狀問T，於錄影會面陳述該方面的證供，是否正確？T答是。

李官問T，於第一份錄影會面時，T說阿豪掩著J的口。於第二份錄影會面時，T說阿豪掩著J的鼻。在庭上，T說阿豪掩著J的口。那到底正確位置是掩著那裡？T答：「阿豪行開咗(從J身上爬起)後，條毛巾遮住咗(J)成個樣咁滯……其實遮曬，你話口又得、鼻又得……」

李官追問：「依家講係撳臉？」T答：「其實唔係咁準確，我見到嘅嘢係遮曬口鼻，當初話口，我又話岩，口同鼻嚟講，對我嚟講呢個Area(範圍)係無分別……唔肯定係口定係鼻……」

大狀向T指出KK的案情，看T是否同意。

大狀指出，當時阿豪、KK、J於下層客廳發生了狀況，阿豪大叫幫手後，T的右手是戴著一隻手術手套，並持著一支有酒精的針筒。T不同意。

大狀指出，事發時，T曾經交了一塊沾有哥羅芳的白布給阿豪。T不同意。

大狀指出，事發時，阿豪的右手是戴著勞工手襪，當T將白布交給阿豪後，阿豪掩著死者的口鼻。T不同意。

大狀指出，當T替J打了幾次針(酒精)後，阿豪脫下手襪，塞入J的口內。T不同意。

大狀指出，當阿豪從J的身上爬起來後，KK也能爬起來，當時KK瘋狂為J做心肺復蘇。T回答：「佢係有做心肺復蘇。」

大狀指出，J死後，KK曾經講過：「乜唔係唔會攪死人架咩……淨係整暈佢之嘛……」T：「我有聽佢講過。」

大狀指出，J死後，KK曾經激動地問T：「點解會死咗人！」T：「我同意佢有問，但未到激動。」

大狀指出，當KK正在為J做心肺復蘇，阿豪說：「都唔知係咪真係死咗……定暈咋……」T回答：「聽過類似嘅嘢。」

大狀指出，不只沒有一個協議前往打劫J，3月4日從來沒有意圖實行打劫行動。T認同。

第三被告(KK)大狀盤問完畢。

(5438)