石棺藏屍案(十八)

石棺藏屍案(十八)

《KK的故事……》

案情撮要：2016年3月4日至3月29日期間，於荃灣灰窰角街DAN6商業大廈，本案被告曾祥欣(T)、劉錫豪(阿豪)、張善恒(KK)涉嫌謀殺男子張萬里(J)。行兇後以木板製成巨型箱子，放入屍體，再用水泥填封整個箱子，形成石棺。

三名被告企圖將石棺運到偏僻地埋掉或掉進海裡，可惜石棺過重，超出電梯負載量，需折返單位……三人欲鑿開石棺取出屍體方便棄屍，始終失敗，於是把石棺留在單位內，決定帶同知情女子何菱瑜(小草)逃走到台灣……

本篇文章經過資料處理、排序、歸類而寫的，是時候說說KK的故事……

半日庭，又返回審訊現場，今天庭上播放第三被告(KK)的錄影會面，播放前，負責拘捕KK的探員在證人台上接受控方大狀主問，問題主要圍繞於台灣陪同被告乘飛機回香港時的情況、飛機到達香港國際機場時的拘捕情況(詳情請閱讀第二章)、疑犯被帶返警署時的情況等……警員稱，於KK進行錄影會面前，沒有毆打、恐嚇、壓迫KK……

「阿Sir……呢單嘢係阿豪(第二被告)嘅意思，我只係幫手咋，張萬里(J)係阿豪殺嘅……」這是探員對KK宣佈拘捕後，KK的第一句話……

KK說述，於2015年10月31日萬聖節，在中環蘭桂芳一間酒店頂層的派對內，認識了T(第一被告)和阿豪。之後，三人關係尚淺，但會以電話聯絡，KK形容：「當時淨係知曾祥欣(T)係有錢人！」承認與T談天是為了「黐金糠」！

KK當時任職港鐵站務主任，T聲稱可為KK介紹工作……

於2015年11月3日晚上，KK獲T邀請，第一次到達DAN6單位。當時居住單位內的包括有T、阿豪、梁俊彥(後來搬離)、蔡心兒(後來搬離)。T對KK說：「呢度我係屋主……你覺得值幾錢？我隨便就可以買一間……」

在屋內，各人討論如何賺錢，KK：「佢地(居住DAN6各人)講賺錢嘅灰色地帶，點呃人錢，提及一個國際組織叫THERE，只需要簡單工作就有酬勞……例如：我任職地鐵站務主任，只需要插隻USB(U盤)入地鐵站嘅主機，攞到客戶嘅資料，就有幾千蚊至一萬蚊嘅酬勞……」「梁俊彥話過，佢試過偷國家物品，得到THERE組織強大支援，THERE係一個龐大組織，唔只香港，係國際詐騙組織……」「T仲話當時係THERE組織嘅Top 4成員(第四名)！」

2015年11月4日早上至11月11日，KK到了韓國首爾旅遊(不是與T)，返回香港後，T對KK說：「THERE有方法賺錢……」KK在錄影會面中加以解釋：「方法係去大眾財務、邦民財務借錢，借錢後，就會有T嘅內應將財務公司入面資料改動，可能唔駛還錢，就算要還都唔駛我還，係T還……」

於是，2015年11月13日，T和阿豪便陪同KK到黃大仙，將KK交給另一名介紹人，到了該區大眾財務借貸，KK稱：「當時借咗七萬至八萬蚊，自己拎咗幾千蚊，其他錢全部比T，佢話用嚟幫我投資！」

到了2015年11月14日，當T的內應準備就緒，KK又到荃灣邦民財務借貸，KK稱：「當時借咗六萬至七萬蚊，自己拎咗幾千蚊，其餘比曬T！」

之後，T對KK說：「我唔會招攬你入THERE，因為我會同阿豪及梁俊彥另外成立第二個組織，叫M……」「阿豪同梁俊彥已經有M字刺青代表！」

接下來，2015年11月19日至11月26日，KK稱：「T請我去旅行，去咗幾日澳門，然後去咗T嘅鄉下梅州，番咗嚟香港一日，再飛去北海道……」

KK去旅行前，T對他說：「咁辛苦嘅工(站務員)唔好做！」KK向探員稱：「T無介紹工作比我，我去旅行前就辭咗份工(站務員)，連辭職信都無比(公司)！」

探員問KK，為何T會請他去旅行？KK回答：「我唔知點解……」然後，KK說：「去到日本(北海道)，T話自己個戶口比人封(凍結)咗，所以全部洗費要我比錢！」

2015年11月26日，KK返回香港後，就到原本將軍澳住所(與母親同住)，搬到DAN6單位，KK稱：「T包我一日三餐，係閣樓瞓，有床褥，當時與T、阿豪、小草(何菱瑜)、梁俊彥(農曆年搬出)、蔡心兒(農曆年搬出)一齊住……」

時間到了2016年2月尾，大概晚上九時至十時，T與KK到了荃灣地鐵站附近一間「肥媽茶餐廳」用膳，途中T約了J在該餐廳見面。KK稱，這是第一次與J見面，KK用膳途中沒有與J交流，只見J點了一杯凍檸檬茶，並與T在談話。KK：「當時我聽到T同J，傾緊有關澳洲房地產嘅項目，關於錢嘅，J提出向T借錢，J話房地產涉及兩億至三億嘅豪園……」「參與房地產呢個項目有律師、銀行幫手，借錢後就交比澳洲嘅負責人……」

2016年3月1日晚上，阿豪突然致電KK，叫KK到荃灣荃新天地附近一間叫COCO Duck酒吧喝酒，KK到了酒吧，看見T與J在酒吧門外商談房地產事宜，而阿豪則於酒吧內。KK：「當時我見到阿豪係褲袋度拎咗一支類似藥物嘅野，倒入J嘅酒杯度……之後，T同J就番咗入酒吧，T同阿豪想令大家乾杯，想J飲杯裡面嘅酒(已加料)……但阿J拒絕飲杯酒，因為第二日有工作要做！」最後，當晚J便乘的士回家，而T、阿豪、KK便步行回DAN6單位……

回到DAN6單位，KK：「我事後先知果支係迷暈水，係佢地(T及阿豪)希望迷暈J，然後拎J嘅錢財！」

2016年3月4日，凌晨兩至三時，KK稱：「T打算計劃老笠(搶劫)J，因為T覺得J想以房地產事宜呃佢錢，所以計劃去觀塘海濱長廊扑暈J，然後搶佢啲錢……」「T提議，用屋企嘅假髮，鎚仔，到時阿豪著住梁俊彥嘅衫變裝，係觀塘海旁公廁埋伏J……」KK又稱：「我嘅角色係引開J嘅注意力，做掩飾，繼續同J講房地產嘅事……而T就用可樂(可口可樂)淋濕阿J，等佢去廁所嘅時候，阿豪就扑暈佢……呢個時候我嘅角色就係看門口！」

KK：「T提意去觀塘海濱長廊視察環境，我哋(三人)去到發現果度太多天眼(閉路電視)所以唔可以成功……」

探員問KK，為何要選擇這個地點？KK回答：「癖靜……仲有……因為J住北角，所以地點方便……」

到了凌晨五至六時，被告們又返回DAN6單位。KK：「番到去，阿豪話不如冧(殺)咗佢(J)啦，上次都整唔到佢(迷暈水事件)，今次再拎唔到錢，交代唔到比果邊(THERE)嘅人，上次支迷暈水要幾千蚊……」「跟住，T話阿J個人頭值二千萬美金……」「阿豪話殺啦！無理由唔殺……」「T講，THERE組織有個Delete Record資料(名單)，將名單上嘅人殺死或斬手斬腳就會有錢，類似懸賞……」「T又講，阿J都係THERE成員，因為J手上有一份THERE好需要嘅文件，THERE怕J會出賣組織，所以出懸賞殺J……」「阿豪話殺咗J，攞埋J屋企嘅錢，然後走佬(逃走)，再等THERE嘅錢(懸賞)……」

KK：「阿豪話好累，叫我同T諗好方法，佢就會郁手(下手)……然後，我同T話唔好係屋企殺，出去殺，埋咗佢……」「阿豪回應搵到地點就無問題！」

最後，經過一小時討論後，被告們決定，阿豪先用哥羅芳將J迷暈，然後T替J打酒精，讓J有喝醉感覺(T知道J每朝都會喝酒)，再把J運出戶外，找個癖靜地方，殺掉J……

KK稱：「我嘅角色只負責減低J係單位內嘅疑心，阿豪郁手時需要我幫手就從旁協助……」

探員問KK，如何證實有THERE組織？KK：「我無辦法證實，但梁俊彥同蔡心兒都聽過THERE，我有一張屬於T字跡嘅紙，話偽造證書可以賺錢，張紙仲係屋企……」

早上大約八至九時，阿豪在單位睡覺，T與KK就到荃灣悅來酒店(熊貓酒店)附近，專賣裝修材料的街道，購買行劫用品，買了麻繩、手套、針筒，又在膠片鋪花了廿五元購買一樽哥羅芳(唧油樽，尖嘴，磨沙樽，黃色液體)。

回到單位，小草已經回到家，T與KK到了閣樓，KK：「T話試下哥羅芳嘅味道，試下威力，有幾刺鼻，佢就將哥羅芳倒落一條女性底褲度試味，提議試味純粹係玩笑……」

之後，T、阿豪、KK、小草在單位內討論，迷暈J後怎麼辦？把J帶到那裡？KK：「當時小草都有參與討論，佢仲話分錢比佢就得架喇！佢話掉阿J上大帽山、太平山或者搵個廟，買個骨灰龕，斬開阿J塞落去，又話搵水泥埋咗佢……」

到了大約中午十二時至一時，T與KK到荃灣荃新天地二期，譚仔三哥米線用餐，T約了J，阿J趕快地從荃灣地鐵站跑來，因為J於下午三時還要到別處「傾生意」，所以T、KK、J就盡快回DAN6單位商討房地產事宜。回DAN6單位途中，T與KK在附近美心快餐，買了一盒叉燒飯給阿豪作午餐。

回到單位，他們將外賣給阿豪，阿豪回應：「比我食咗半兜飯先啦……」(意指：將J迷暈)。然後T便回閣樓，KK與J就在客廳閱讀房地產文件，KK坐下，J站在KK身後解釋文件。

突然……J大叫：「X你老母……會死人架！」這刻，KK才反應過來，知道阿豪已經行動，KK：「阿豪右手拎住條白色毛巾，想焗暈J，但掩唔中J嘅口鼻，J反抗，我就從後箍住J嘅腋下，阿豪想出拳打阿J，我同J一齊避開，就一齊失平衡跌咗落床褥上面，當時J係我上面，面向天，阿豪就坐係J上面，用頭先條毛巾，雙手掩住J嘅口鼻，時間兩至三分鐘，我都嗅到強烈嘅哥羅芳味，好刺鼻，我個頭都擰去第二個方向，我叫阿豪唔好係度攪死人……」「阿豪叫T落嚟幫手，T右手戴住手套，係J既右邊大腿打酒精(酒類)，來回打四至五次……」

KK錄影會面播到這裡，本日審訊時間已超時了三十分鐘，要休庭了……

(3488)