石棺藏屍案(十三)

 石棺藏屍案（十三）

《煮咗佢嚟食……》

案情撮要：2016年3月4日至3月29日期間，於荃灣灰窰角街DAN6商業大廈，本案被告曾祥欣(T)、劉錫豪(阿豪)、張善恒(KK)涉嫌謀殺男子張萬里(J)。行兇後以木板製成巨型箱子，放入屍體，再用水泥填封整個箱子，形成石棺。

三名被告企圖將石棺運到偏僻地埋掉或掉進海裡，可惜石棺過重，超出電梯負載量，需折返單位……三人欲鑿開石棺取出屍體方便棄屍，始終失敗，於是把石棺留在單位內，決定帶同知情女子何菱瑜(小草)逃走到台灣……

來到第十三集文章，繼續整理資料，經組織後寫故事，來到T故事的戲肉，行動由此開始……

「阿Sir……主謀係阿豪，因為我落去（地下客廳）果陣，仲見到阿豪拎住條底褲，掩住J個口，所以覺得阿豪整死J。」這是第一被告（T）被拘捕、警誡下的第二句重要說話……

上回故事說到2016年3月3日，阿豪分咐T去買打劫所需用品，T買了幼身麻繩(綁手)、垃圾袋。警員問T為何要買？T回答：「我用自己錢買，垃圾袋我都真係要用，阿豪話買我咪買囉，我放係度，你要用就用，放係度之嘛……」
同日，J與T相約翌日見面，以便洽談澳洲房地產事宜。另外，J會帶財物前來做抵押品，向T借貸，支付澳洲房地產部分金額。

2016年3月4日早上，T與KK再去買搶劫所需用品，去五金店買工業手套、索帶、麻繩、鎚子、米袋，T估計阿豪以米袋「笠住阿J個頭」不想被J認出，然後「扑暈J、扑濕J」。另外，T又說：「哥羅芳係叫KK買，阿豪話買定先，因為屋企果支稀釋完，得番好少係度，KK買咗，但顏色係淡黃色嘅，唔似哥羅芳，曾經嗅過陣味，但唔記得係邊度嗅，最後呢支哥羅芳放咗係閣樓電視機附近嘅枱面。」

大約中午時段，T及KK於荃灣荃新天地，譚仔三哥米線用餐。期間，J到達，與T洽談房地產計劃，J：「食住嘢好難傾，唔好係公眾地方傾，不如上你度睇啦（DAN6單位）！」當時，T與KK亦提議J上DAN6單位洽談有關事宜。
三人回到DAN6附近，於美心快餐買了盒叉燒飯給阿豪。
進入單位，T稱自己很累，先回到閣樓休息，他吩咐KK在客廳，閱讀J所提供的房地產計劃書，又吩咐KK查看J所提供的借貸抵押品。警員問T，為何依賴KK閱讀如此重要的投資計劃書？T答：「我懶，不嬲唔睇，認為KK讀過管理同Marketing（市場學），佢幫我對文件，應該睇得明英文，如果應付唔到，我交低咗電話號碼比佢打去問。」

T：「期間，我見到阿豪上嚟閣樓，攞咗啲嘢入閣樓廁所，然後落咗客廳！」

過了一會，T突然聽見有人大叫：「X你老母！咪玩啦！」過了兩至三分鐘後，阿豪與KK異口同聲大叫：「T！唔好係上面瞓覺呀！落嚟幫手呀！」

T形容：「當時我第一眼係閣樓望落去，見到客廳張床褥上，阿豪成個人騎咗上阿J度，壓L住阿J，用右手撳L住阿J嘅口鼻……果刻睇唔到KK，我再望，原來KK比J壓住咗……，但我唔記KK隻手放係邊，總之阿豪最上、J係中層，KK最下層，三文治狀態咁……」「我見J面青口唇白、無知覺、無掙扎、靜止咗面向天……」「我行到落去，阿豪已鬆開手！」

「阿豪即刻係枱面摷阿J既財物……同時，阿豪叫我幫手，拮(注射)阿J酒精！」「我答番阿豪，吓？你都整死咗佢啦！」「但我有係閣樓攞支白酒，用針筒抽白酒，然後落樓下！」T形容：「當時阿豪叫我同J打多幾支(酒精針)，驚佢唔死得咁樣，阿豪仲話，唔咪佢死就係我(阿豪)死！」「阿豪問我打咗針未，我做樣，來回閣樓同客廳幾次，扮有同J打酒精！」

「KK就攤咗係度呆一呆……我見J塊面青曬，就摸佢手同頸嘅脈搏，但無咗脈搏，我上咗閣樓攞塊鏡，放係阿J個鼻前面，真係無咗氣(死咗)……」「呢個時候，KK已經瘋狂幫阿J做心外壓，希望救到佢！」

警員問T，為何當時不選擇報警？T回答：「果度係我租嘅地方，又無cam(鏡頭)，點講都得，我一定瀨嘢，所以死咗人我一定要搞(處理屍體)！」「佢(阿豪)係我屋企攪咗啲咁嘅事出嚟，唯有幫啦，唔幫就係共犯！」「我講過不如自首算啦，都係坐(坐牢)幾年架啫……」

警員又問T，供應阿豪一日三餐，又給地方他居住，養他，何解對阿豪言聽計從？T回答：「殺咗J已經六神無主，好突發性，係屋度我都驚，無報警我都驚，偏偏咁嘅情況先無報警，阿豪話識啲比我地大嘅人，可以問下點搞，阿豪又話搞到，咁我就聽佢講……」「果刻我淨係唸，好L大鑊！」

之後，T稱：「我哋係唔知邊度摷到個枕頭袋，就用個枕頭袋笠一笠阿J個頭，然後我加條白色嘢(索帶)，後佢塊面嘅位置勒一勒，等個袋唔好甩出黎……我地將阿J條屍拖入廁所，我拉咗一下，佢個後腦嘭一聲撞咗落地，阿豪同KK大隻啲，夠力拉佢入廁所，我負責開廁所門，然後合力將條屍放上一個無洗衣袋嘅洗衣架度，點知個架負荷唔到重量摺埋咗，J既屍就摺埋咗，好似坐係度咁，仲跌咗落啲貓砂度，之後就閂咗廁所門……」

接下來要做的，是如何處理屍體……三人討論途中，T與KK對阿豪有些怨言，T：「你係我屋企攪死人……本身話整暈佢、老笠佢，我同KK都問點解要係自己屋企整死佢……我以為你講笑啫，點知你係屋企做。」無論如何，正如阿豪對T說：「諗辦法點搞(處理屍體)！」

討論期間，有人說：「放血、斬咗佢、塞落雪櫃、埋係森林、將梳化挖空然後放屍體，再以水泥填封、煮咗佢嚟食……」「最後，阿豪決定做個棺，用水泥封咗條屍，然後將石棺掉落海或運上山埋咗佢……」決定後，T與阿豪到附近五金店買了小量水泥。

還有個急切性問題，要立刻處理。阿豪說：「J嘅財物，邊啲值錢嘅就拎去賣！」「我好累，要瞓覺！」J的財物有銀包、手提電話兩部、Omega手錶、公文袋、現金一百多元、信用咭、八達通。阿豪叫T和KK去旺角先達商場賣掉屬於J的兩部手提電話。另外，拿Omega錶去賣，T問價格後，致電給阿豪詢問價格可否接受，但阿豪不滿意價格，叫T先拿錶回家。

之後，T和KK就去買用品、用具、材料製造石棺……兩人去深水埗買了六塊木板，釘子，然後電召GOGO Van運木板回家。回家後，兩人將木板「揼」成一個正方形箱子，邊長1米，然後喚醒阿豪……

T稱：「阿豪教我哋鋪水泥係底，夜晚乾左啲，我地就夾手夾腳，將J既屍體放落石棺，但唔夠水泥填平石棺，所以先用木板放係箱頂！」

翌日，阿豪要到新加坡參加跳舞比賽。出發前，阿豪：「你哋處理好條屍，用水泥封咗佢，唔好比佢臭！」之後，T與KK便再度購買水泥回家填封石棺、又先後購買其他物品例如手套、空氣清新劑、臭丸、滅蝨彈、殺蟲水、車仔、磚頭、鐵筆回家。兩人最終把石棺填平，T形容整個封棺過程是日以繼夜……

到了2016年3月8日，阿豪回港了，石棺也差不多乾透，計劃將石棺運走。T與KK先量度單位大門及電梯闊度，發現石棺不能以橫放方式運離單位，必需將石棺扶直，才可運走。被告們，用鐵筆、磚頭，花盡九牛二虎之力，終於把石棺扶直及放到車仔上，準備運走。

但意想不到的事發生了……當他們將石棺推入電梯，負荷過重，電梯警號響起。這時，他們趕快將石棺推出電梯。然後，死心不息，再度把石棺推入電梯，結果電梯警號還是響起……在沒有其他辦法下，他們只好把石棺運回單位。由於石棺滲出的血水，弄污了九樓電梯大堂，T慌忙清理。

回到單位，被告們又想法子將屍體從石棺中取出，欲放進行李箱，然後運走。由於家中工具有限，用鎚子也不夠力度鑿開石屎。於是翌日早上，T到五金店買了一支風炮，價錢大約一千多元，希望夠力度打鑿石屎。阿豪負責使用風炮開鑿石屎，已經打碎了一部份，但石屎中心位置十分堅硬，不能鑿開。之後，開始見到小部份J的左邊身體，阿豪使用風炮把J的左手(肩膊)「鑽爆」了……T與KK拉著J的腳，想將屍體由石屎中拉出，誰不知又卡住了，真是遇到重重困難，阿豪：「一定要走，好快查到嚟！」最後，他們唯有放棄，將屍體塞回石棺，決定「著草」(潛逃)……

十萬火急地「著草」，T立刻致電給父親，告知有事所以需要「著草」，但沒有告訴父親發生何事，只叫父親替他籌錢，父親給他大約八萬元港幣，T稱自己身上有兩萬元，合共十萬元。T又叫父親把行李帶到深水埗(前兩日T與KK將少量行李寄存在T父親住所)。

之後，阿豪叫T換手提電話、買台灣電話咭、買了一部手提電腦，T形容這些是基本動作。

阿豪稱需要一本護照，在台灣租旅館用，於是致電廖健國(早前證人)，T：「佢(廖)爭我錢，又係朋友，所以佢肯比護照我，阿豪就用廖健國嘅護照係台灣租旅館、去夜店……」

至於小草，T形容：「佢無參與過程，最多知情，事發時，草草係閣樓瞓緊覺，佢半夢半醒矇矇查，成日都係咁架啦！之後只講過煲中藥除臭味，隨意講棄屍地點……我叫阿豪唔駛將草草帶走，唔關佢事，但阿豪話唔得，要將佢帶走，佢會爆件事出嚟！」最終小草與他們一起到了台灣……

T的故事，最終花了五千多個文字，大致說完了……很快便知道第二被告……阿豪的故事……我們拭目以待……

(3286)