石棺藏屍案(十五)

石棺藏屍案(十五)

《等佢死快啲……》

案情撮要：2016年3月4日至3月29日期間，於荃灣灰窰角街DAN6商業大廈，本案被告曾祥欣(T)、劉錫豪(阿豪)、張善恒(KK)涉嫌謀殺男子張萬里(J)。行兇後以木板製成巨型箱子，放入屍體，再用水泥填封整個箱子，形成石棺。

三名被告企圖將石棺運到偏僻地埋掉或掉進海裡，可惜石棺過重，超出電梯負載量，需折返單位……三人欲鑿開石棺取出屍體方便棄屍，始終失敗，於是把石棺留在單位內，決定帶同知情女子何菱瑜(小草)逃走到台灣……

今日下午二時三十分繼續開庭……李官花了幾分鐘，以英語向陪審團作出簡短指引及提醒……內容大致是，庭上播出各被告在警署所做的錄影會面，內容涉及指控其他被告所做的殺人行為。根據證據原則(Evidence Principle)，這些在錄影會面中對其他被告的指控不是證據，只有被告出庭作供時，在證人台上指控其他被告，才是證據。而被告在錄影會面中，提及自己在案中的角色及參與行為，這些就是證據……

繼續說未完的故事…..事情來到2016年3月5日凌晨，第二被告(阿豪)出發前往新加坡參加跳舞比賽。之後，DAN6單位只有第一被告(T)和第三被告(KK)日以繼夜用水泥填封放有屍體的木箱……

到了2016年3月7日早上十一時許，阿豪從新加坡回到香港。大約中午十二時，回到DAN6單位。阿豪：「我番到DAN6，見到衣櫃注滿水泥，箱頂都比木板封著…..」警員問阿豪，石棺體積多大？阿豪回答：「石棺係正方形，大約邊長一米多少少，高度大約至膝蓋。」「我唔記得木箱下面有無啞鈴，係佢地放係木箱底，令個箱唔好咁貼地，方便撬起個箱，我哋試過一齊搬起個箱，但唔成功……」

2016年3月8日凌晨，當時阿豪正在睡覺，他聽到嘈吵聲，便張開眼望望，看見有人進入單位……阿豪稱：「原來T叫咗兩個朋友上嚟，我唔知係T帶佢哋上嚟，定係果兩個人上嚟之後T開門，T想叫朋友幫手抬起個箱，當時佢有叫醒我一齊搬，但我哋唔成功，搬唔郁，太重喇…..」

至於3月8日其他時間發生何事，阿豪稱：「無乜印象……淨係記得T買咗中藥番嚟煲，話可以癖臭味……」

2016年3月9日早上，阿豪：「大致全日都去咗搵埋屍嘅地方，視察環境，第一站去朗屏，T話果度有一個人住嘅細山，可以運石棺去果度埋左去……」說到這裡，阿豪突然停頓了，阿豪稱：「啊……我漏咗，好緊要，等我唸下先…………(大約想了30秒)」「去完朗屏，本來想去油塘三家村視察環境，但係的士果陣，T突然唸起，我曾經同佢、仲有我以前女朋友，一齊去過大埔某間小學後面，有個荒廢嘅山，所以最後無去三家村，直接去咗大埔……」

之後，阿豪稱：「我哋三個人用三支鐵筆，成功將舊石屎搬咗上鐵轆車(六個啤鈴轆的鐵車)。」「另外，T試過問朋友租貨車但唔成功，KK就用手機應用程式，電召GOGO Van，準備運走石棺。」

「我哋將石棺推入電梯，但超重，推番出嚟再試多次，都係超重，就放棄運走石棺嘅念頭……呢個時候地上面有好多屍水，最後由T清理。」

2016年3月10日，阿豪稱：「我哋想係石屎裡面攞番條屍出嚟，想將佢肢解再放落行李箱，方便拎出去埋屍，三個人用大錘仔同錐係咁鑿石屎，但扑唔爛……之後T就買咗支類似地盤鑽地用嘅工具(風炮)番嚟，細支啲嘅……鑿到一部份，但都係唔得，條屍卡住咗係石屎度……」

阿豪：「當時我同佢哋講，唔得喇……呢陣臭味越嚟越犀利……搞唔掂……走啦(著草)！」阿豪告訴警員，由3月4日至10日期間，三人已經買了支過二十支空氣清新劑……

三人商討潛逃地點，曾想到澳洲、台灣……阿豪稱：「最後都係決定去台灣，因為距離最近，我哋驚去澳洲要飛十幾個鐘，一落機就會比人捉……同埋點解我哋唔去大陸，原因係我無回鄉咭……我哋講去邊果陣，小草都係度……」「當時我話，小草駛乜走啫？佢都無見到個過程……T話得小草係香港會好危險，驚佢亂講嘢，一定要帶佢走……」阿豪又說：「T同小草嘅關係有啲特殊，佢哋話係養父養女，去到邊都一齊，成日比人誤會係男女朋友。」

到了下午五至六時，三人梳洗及收拾行李後便出門，先到了深水埗找T朋友(Fay，早前證人)，Fay於影印鋪工作，在他店舖列印台證，而四人的台證是由kk負責處理。

四人當晚到了香港國際機場，T即場買了四張前往台灣的機票，一同潛逃到台灣……

到了這次錄影尾段，阿豪重申：「我無殺人……我淨係有參與處理屍體部份……」

說完了阿豪的故事版本……接著說說阿豪在第二次警署錄影會面時，對警員說了很多補充內容……

「阿Sir，我有好多嘢想補充……案發果陣，我琴日話自己企係度呆咗，其實我全程瞓咗係J下面郁唔到。當時KK話唔安全、唔保險，再掩J口鼻兩至三分鐘，唔駛J扮暈後逃走……第二，我話去攞鏡試下J個鼻仲有無霞氣，事實上，T企係閣樓樓梯度比塊鏡我嘅……」這是阿豪一口氣說的補充內容。

之後，警員開始向阿豪發問……

有關T與KK的企圖。警員問：「點解T同KK要將J整死？」阿豪：「我唸初頭佢哋都係求財架啫，事情發展到無得挽救地步，感覺佢地有一不做二不休嘅唸法，KK話無理由整到你(J)咁然後放番你咁危險……T都咁到明唔爭在，再打多啲酒精，一了百了……可能佢哋唔咪想殺J，但J反抗，出乎意料之外，所以T同KK當下決定攪掂佢(殺J)……呢啲就係成件事比我嘅感覺……」

有關案發時的事情。警員問：「案發時，你話J壓住你，KK嘅腳都有壓係J嘅腳上面，你瞓係度，點睇到？」阿豪：「我感覺到J嘅腳係我嘅腳上面，有外力壓落嚟，令我覺得KK嘅腳有壓住J嘅腳。」

警員問：「你點知T攞住果支針筒係酒精？」阿豪：「T有講到係酒精，打完之後，T話唔爭在啦，等佢死得快啲！」

有關哥羅芳認知。警員問：「你對哥羅芳認識有幾多？」阿豪：「我淨係知拍戲用黎迷姦用……人生第一次嗅哥羅芳味，就係3月4號朝早，T買哥羅芳番嚟叫我試下嗅，好刺鼻，嗅完想嘔……」

有關屍體被搬進洗手間前後的事。警員問：「點解當時J有呼吸，都要放佢入廁所？」阿豪：「係T同KK提議嘅，主要決定係T，只係感覺放入廁所會好D。」「係廁所，我有嘗試拍醒J，佢有細微反應，我當時唸無事嘅，唔會死嘅，會醒嘅，我就無再打擾佢……」

警員問：「你哋放屍體入廁所，有無閂門？有無臭味傳出？」阿豪：「3月4日傍晚六點，T同KK出去買嘢前，佢哋話嗅到有臭味，但我唔覺有味，因為我個鼻比較遲鈍。」「3月4日，我同T，第一次落街買水泥前，我哋去咗荃灣荃新天地日本城，我買空氣清新劑，T就買咗把大約一呎長嘅刀，刀柄都係銀色嘅，話唸住番去肢解條屍……番到DAN6，我見到T拎把刀入廁所，話肢解J，但佢話搞唔掂，最後把刀可能中途掉垃圾果陣掉咗……」

有關屍體已放進木箱後的事。警員問：「係銅鑼灣番到DAN6後，你話見到J係木箱度，裡面注有五分二嘅水泥，你見到J身體嘅邊部份？」阿豪：「見到J半個身外露，見到佢手腕、腳腕有索帶，仲見到頭上面嘅膠袋。」警員追問：「琴日你話麻繩綁，今日就有索帶？」阿豪解釋：「係T加索帶，綁索帶後綁麻繩！」

警員問：「T同KK買番嚟嘅木板係咩顏色？」阿豪：「木箱四邊嘅木板都係暗啡色，底板係黑色……後尾我哋係個箱外圍包滿膠紙，因為釘完木板覺得唔穩陣，仲有石棺睇落無咁奇怪。」

警員問：「木板係邊度買？」阿豪：「係T同KK買，我無詳細問，好似聽講係宜家傢俬度買。」

有關小草對事情的認知。警員問：「3月4號你攞咗J隻錶去銅鑼灣，番到DAN6，T同KK係閣樓瞓覺，咁小草呢？」阿豪：「佢係閣樓，清醒，玩緊手機，當晚十一點幾佢出去同朋友唱K，小草落樓梯，經客廳出門，只係逗留咗係客廳兩分鐘，著鞋，就出門。」「小草知道呢件事，都可能係T同KK講咗比佢知！」

有關DAN6單位的事。警員問：「DAN6單位，知唔知T係租客？」阿豪：「開頭T話佢買咗呢個單位，後來睇新聞先知原來佢係租客，我開始入去住果陣，佢話每月比4000蚊，我比過12000蚊佢……」

有關T紋身的事。警員問：「知唔知T有無紋身？」阿豪答：「T左或右手臂有紋身，其中一隻手指紋有電波圖案，頸後紋有(草)字圖案，去到台灣將個草字變咗做十字架！」

阿豪的錄影會面還未播放完，還有慢慢長路，明天再看看，他還有甚麼補充……

(2984)